Публикации » Çиçĕмпе тăватă ĕне вилнĕ (Происшествия, внешняя среда)

 

Ку вăл вырсарнире каç пулттипе пулчĕ-ха. Кунĕпе хĕвеллĕ ăшă çанталăк тăчĕ, анчах каç енне пĕлĕтсем анăçран талккăшпе кăвакарса-хуралса хăпарчĕç. Тĕнче пĕтсе килессĕнех туйăнчĕ. Çур сехете яхăн аслати кĕмсĕртеттерсе тăчĕ, унтан витререн тăкнă пек çумăр ячĕ. Вĕтĕ пăр та пулчĕ пулас хутăш, мĕншĕн тесен чÿрече айне çапнă хĕçтимĕр чанклатрĕ. Çумăрпа пĕрле йĕри-тавра çиçĕм ялтрарĕ, аçа çапнă сасăсем пулчĕç. Пĕри, питĕ хытă çатлаттарни, шăпах Тĕмер ялĕн касуллине шар кăтартнă. Сысна ферми енчен ялалла васкакан кĕтÿ çумăр айне пулнă. Çиçĕм юнашар пыракан тăватă ĕнене вилмелле лекнĕ.

 

В список