10 июня 2008 г.
Енĕш Нăрвашри культура çуртĕнче тăтăшах тĕрлĕ мероприяти хатĕрлесе халăха кăтартаççĕ. “Атьăр-ха, хĕрсем”, “Атьăр-ха, яшсем” конкурссем, Хĕле ăсатни, Çĕнтерÿ кунĕн уявĕсем ятарлă сценарисем тăрăх иртрĕç. Театр кунĕнче вырăнти артистсем А.Суханăн “Пур та пĕтет, çук та çитет” спектакльне вылярĕç. О.Кузьмин, В.Моисеев, А.Павлов интернационалист-салтаксемпе тĕлпулу аван иртнĕ. Енĕшнăрвашсем агитбригадăсен зонăри конкурсне хутшăнчĕç.
Районти ĕçпе юрă тата спорт уявĕнче фольклор коллективĕ хăйсен ентешĕн С.Максимовăн “Ан авăн, шĕшкĕ” юррине шăрантарчĕ, чăваш ташшипе савăнтарчĕ.
Е.Кузнецова директорпа В.Степанова илемлĕх ертÿçи, халăх театрĕн режиссерĕ Г.Русская, Н.Дмитриевапа З.Мижеева библиотекарьсем çынсен канмалли вăхăтне усăллă ирттерме тăрăшаççĕ.
Источник: "Ял ĕçченĕ"