22 апреля 2008 г.
Тĕнче Кубокĕпе – кĕмĕл укçасем (Спорт, экономика)
Раççей Перекет Банкĕн Чăваш уйрăмне "Хăвăрт утакансен Тĕнче кубокĕ" ăмăртусен ячĕпе кăларнă 3 тенкĕлĕх кĕмĕл укçасем çитнĕ. Кĕмĕл укçана Раççей Банкĕ Чăваш уйрăмĕн пуçарăвĕпе 5000 штук кăларнă.
Çывăх вăхăтра 3 тенкĕлĕх кĕмĕл укçана(массăра 31,1 грамм кĕмĕл) Раççей Перекет Банкĕн Чăваш Республикинчи подразделенийĕсенче туянма пулать.
Укçа континентсен фонĕ çинчи икĕ спортсмена сăнласа парать. Ун çинче "Хăвăрт утакансен Тĕнче Кубокĕ" тата "Шупашкар" тесе çырни пур.
Раççей Перекет Банкĕн Чăваш уйрăмĕн пресс-служби.
Источник: "Ял ĕçченĕ"