Публикации » Валерий КУЗНЕЦОВ, «Янтиково» командăн тренерĕ:

15 ноября 2019 г.

Футбол фестивальне хутшăнни ачасемшĕн опыт пухмалли шкул пулса тăрать. Вĕсем пушă вăхăтра ытти командăсен вăййисене пăхса киленчĕç, вĕсенчен вĕренчĕç. Ку вара вĕсене малашне вăйă ăсталăхне çине тăрса туптама, ытти ачасене те спортăн çак тĕсĕпе туслаштарма пулăшĕ. Мускаври «Динамо» стадионта аслă лигăри «Динамо» (М) тата «Ахмет» (Чечен республики) футбол командисен вăййине курма тÿр килни те нумайлăха асра юлĕ. Ăмăртусем пынă вăхăтра Мускавра вĕренекен манăн воспитанниксем пулнă Димăпа Денис Сергеевсем, Антон Бородкин тата ытти ентешсем хавхалантарса тăни те вăй-хал парса тăчĕ.