08 ноября 2019 г.
Пĕтĕм Раççейри «Вилĕмпе ăçта сутă тунине пĕлтер» акцин иккĕмĕш тапхăрĕ ноябрĕн 11-мĕшĕнчен пуçланса 22-мĕшĕччен пырать. Унăн тĕллевĕ - наркотиксен саккунсăр çаврăнăшĕпе кĕрешме общественноçа анлăрах явăçтарасси, профилактика ĕçне вăйлатасси, наркотикла хатĕрсене сутакансем çинчен хушма информаци илесси, наркомание ернĕ çынна сиплессипе тата реабилитацилессипе çыхăннă ыйтусемпе консультацисем, квалификациллĕ пулăшу парасси.
Акци вăхăтĕнче «шанăç телефонĕ» ĕçлет, районта пурăнакансем наркотиксем тума чĕртавар хатĕрлекенсем е вĕсене сутса укçа тăвакансем çинчен анонимлă майпа та пĕлтерме пултараççĕ.
Çак телефонсемпе шăнкăравламалла:
2-13-82 - район прокуратури;
2-11-15 - районти полици уйрăм;
2-14-98 - Тăвай районĕн администрацийĕ.
Акципе килĕшÿллĕн çул çитмен тата ытти çамрăксем массăллă пуçтарăнакан вырăнсенче право йĕркине пăсасран асăрхаттарма тĕрĕслевсем ирттерме палăртнă.