13 сентября 2019 г.
Пирĕн районта та ăпăр-тапăр пуçтарассине йĕркелеме площадкăсем тăвассипе ĕçлеççĕ. Тăвай ене паянхи куна хытă каяшсене пухмалли 624 контейнер илсе килнĕ, 10 ял тăрăхне валеçсе панă вĕсене.
Пластикрен тунă савăтсене, ăпăр-тапăра талăк хушши тыткалама юрăхлă вĕсем. Малтанхи тимĕртен тунă контейнерсенчен меллĕрех.
Паянхи куна Тăрмăшпа Енĕш Нăрваш ял тăрăхĕсенче евроконтейнерсем лартма 41 лапам хатĕрленĕ. Ку ĕç ытти ял тăрăхĕсенче малалла пулса пырать. Хытă каяш пухмалли контейнерсем лартмалли вырăнсем тăвассине А.Ю.Николаев предприниматель пурнăçлать.
«Коммунальник» ООО ăпăр-тапăра илсе тухма «КО-440-В1» автомашина туяннă. Çĕнĕ транспорт ĕçе пуçăннă (сăн ÿкерчĕкре).