06 сентября 2019 г.
Сентябрĕн 5-мĕшĕ тĕлне районти ял хуçалăх организацийĕсем тĕш тырă культурисене 8480 гектар çинчен (84 процент), мĕнпурĕ 18060 тонна, пухса кĕртнĕ. Тухăç пĕр гектар пуçне 21,3 центнерпа танлашать.
Вырма ĕçĕсене хуçалăхсенче вĕçлесе пыраççĕ.
Тĕш тырăпа пăрçа йышши культурăсен чи пысăк лаптăкĕ «Акконд-агро фирма» обществăн - 1155 гектар йышăнать. Кунта та тырă пухса кĕртессине çывăх кунсенче вĕçлесшĕн.
Районти хуçалăхсенче çĕртме сухи тăвассипе, кĕр тыррисем акассипе малалла ĕçлеççĕ. Çак вăхăт тĕлне 2010 гектар çĕр хатĕрленĕ, 1330 гектар çинче акнă.
Районĕпе 7790 тонна утă (планăн 98,3 проценчĕ), 18460 тонна сенаж (120,2 процент) хатĕрлесе хунă.