06 сентября 2019 г.
Район администрацийĕн пуçлăхĕ Владимир Ванерке виçĕм-кун Чутей ялĕнче шыв пусăмĕн башнине хăпартас ĕçсемпе интересленнĕ.
Подряд организацийĕ - «ПМК «Водоснабжение» общество кунти ĕçсене вĕçлесе пырать. Ял тăрăхĕн пуçлăхĕ Григорий Куклов строительство ĕçĕсемпе паллаштарнă. Ку объекта вырăнти пуçарулăхпа никĕсленнĕ проектпа пурнăçлаççĕ. Сметăн пĕтĕмĕшле хакĕ - 886,2 пин тенкĕ, çав шутран 111,6 пин тенкине ял халăхĕ хывнă.
Сергей Хумышев фермер хуçалăхĕнче лайăх çанталăкăн кашни сехечĕпе тухăçлă усă курса вăй хураççĕ. Вырма ĕçĕсене вĕçленĕпе пĕрех. Пĕр вăхăтрах кĕр тыррисем акаççĕ, выльăх апачĕ хатĕрлеççĕ.
Район администрацийĕн пуçлăхĕ çавăн пекех «Кубнинский» агро-фирма» обществăра механизаторсемпе тĕл пулса калаçнă.