06 сентября 2019 г.
Çурла уйăхĕн вĕçĕнче Чăваш Ене 2964 евроконтейнер илсе килнĕ, 2340 контейнерĕ симĕс тĕслĕ, 624-шĕ - кăвак. Вĕсене 14 района панă. Пĕрер автомашина симĕс контейнерсене Пăрачкавпа Тăвай (пурĕ 156) районĕсене леçнĕ, кăваккисене - Улатăр, Элĕк, Хĕрлĕ Чутайпа Вăрмар районĕсене.
Авăн уйăхĕнче республикăна евроконтейнерсем илсе çитерессине вĕçлемелле, пурĕ 7698 контейнер пулмалла. «Экологи» наци проекчĕпе килĕшÿллĕн районсене евроконтейнерсемпе тивĕçтерĕç, вĕсене илме республика бюджетĕнчен 86,99 миллион тенкĕ уйăрнă.
Шупашкарти «Университет», «Çĕнĕ хула» микрорайонсенче, Çĕнĕ Шупашкарта ăпăр-тапăра уйрăм пухма сеткăллă евроконтейнерсем лартнă.