30 августа 2019 г.
Çĕнĕ вĕренÿ çулĕ çывхарать. Тăвайри ача-пăча искусствисен шкулĕн çĕнетнĕ класĕсем çамрăк музыкантсемпе художникĕсене кĕтеççĕ. Вĕрентекенсем вара каникулта та канмаççĕ. Хăйсен квалификацине ÿстереççĕ, професси конкурсĕсене хутшăнаççĕ.
2019-2020 вĕренÿ çулĕ асăннă шкулти препо-давательсемшĕн ырă çĕнĕ-лĕхсемпе пуçланать.
Кăçал утă уйăхĕн 19-мĕш- ĕнчи Чăваш Республикин Пуçлăхĕн Указĕн премине тата Грант пама йышăнакан комисси Канашĕн ларăвĕн-че ачасене хушма пĕлÿпе тивĕçтерекен чи лайăх педагогика работникĕсен рейтингне пĕр шухăшлăн çирĕплетнĕ, укçан преми пама йышăннă.
Тăвайри ача-пăча искусствисен шкулĕнчи преподавателĕн Галина Николаевна Никонова ячĕ те пур списокра.
Асăннă шкулта «эстрадăпа джаз искусстви» уйрăмра 2000 çултанпа ĕçлет вăл, «Тайна» ансамбль йĕркеленĕ, кĕçĕн, вăтам, аслă ушкăнсем пур унта. Вĕсенче 34 ача вĕренет.
Ку ушкăн, районти, республикăри, Раççейри, халăхсем хушшинчи конкурс-фестивальсене хутшăнса, пĕр хутчен кăна мар çĕнтерÿçĕ тата призер пулса тăнă. Тĕрлĕ шайри конкурссенчи çитĕнÿсемшĕн çамрăк юрăçсенчен чылайăшĕ Чăваш Республикин Пуçлăхĕн стипендине тивĕçнĕ. Хăш-пĕ-рисемшĕн вара пултарулăх вĕсен пурнăçĕнче тĕп вырăн йышăнать.
Кăçал аслă ушкăн Владимирта иртнĕ нацисем хушшинчи фестивальте лауреатсен йышне кĕнĕ. Ансамбле ертсе пыракан унта хутшăннă Диана Лаптакова, Екатерина Владимирова, Юлия Федотова, Елена Иванова, Ангелина Петрова, Мария Иванова ячĕсене ырăпа асăнчĕ. Ансамбль солисткине, хитре те уçă саслă Юлия Иванована районта нумайăшĕ паллать тĕр. Болгарипе Грецири конкурссенче те тĕлĕнтернĕ юрлас ăсталăхĕ-пе, «Артекпа» «Орленок» лагерьсене кайма тивĕç пулнă вăл.
Галина Николаевна Никонова преподавателĕн пухмачĕ тепĕр пĕлтерĕшлĕ наградăпа пуянланчĕ çак кунсенче.