Публикации » Тăвай енри хуçалăхсенче пулнă

19 июля 2019 г.

Çак эрнере пирĕн районта Чăваш Республикинчи Гостехнадзор инспекцийĕн начальникĕ Сергей Вязовский пулнă. Малтанах вăл район администрацийĕн пуçлăхĕпе Владимир Ванеркепе (сăн ÿкерчĕкре) тĕл пулнă. Ун хыççăн районти инспекцин аслă патшалăх инспекторĕпе Александр Семеновпа пĕрле техосмотр ирттерме графикпе пăхнă С.Илларионов хресчен-фермер хуçалăхĕпе «Акконд-агро фирма» АОн техника паркĕсенче пулнă, комбайнсене вырмана епле хатĕрленипе паллашнă. Вырмана тухиччен районĕпе 42 комбайна техосмотр кăлармалла.

Сергей Вязовский механизаторсемпе тĕл пулнă чухне комбайнсемпе тата ытти техникăпа усă курнă чухне хăрушсăрлăх правилисене çирĕп пăхăнса ĕçлемеллине асăрхаттарнă, вырмара ăнăçу суннă.