02 ноября 2018 г.
Ку сăн ÿкерчĕкре эсир Тушкилти Валентина Петровна Никитинана куратăр. Мăшăрĕпе, Олег Викторовичпа пĕрле вĕсем пыл туса илессипе ĕçленине ялта пурăнакансем, вĕсенчен çак çимĕçе туяннисем аван пĕлеççĕ ĕнтĕ.
-Ку енĕпе эпир 30 çул ытла тимлетпĕр. Малтан мăшăрăм ял çывăхĕнчи утарта вăй хунă. Халĕ вĕллесем пахчара. Пыл хурчĕсем ĕçлеме пуçланă самантра киле кĕ-рес те килмест вара, хăйне евĕрлĕ илĕртÿллĕ сăнарлăх хуçаланать таврара,-тет В.Никитина.
Поварта ĕçленĕ кил хуçи арăмĕ. Çурçĕрте те хăйсен вăй-халне тĕрĕсленĕ иккен Никитинсем. Кайран яла таврăнса йăва çавăрнă.
Виçĕ ывăл çитĕнтернĕ туслă мăшăр. Женя, Сергей, Дима ят панă вĕсене, пурте çемьеленнĕ, ача-пăчаллă, тĕрлĕ çĕрте ĕçлесе пурăнаççĕ халь.