20 июля 2018 г.
Тăвай енри ял хуçалăх экономики аталанса пытăр тесе чылай тăрăшаççĕ пирĕн районти çĕр ĕçченĕсем, харпăр-хăй тỹпине хываççĕ пысăк пĕлтерĕшлĕ ĕçе. Ывăннине пĕлмесĕр ĕçлесе тĕрлĕ наградăсене тивĕçлĕ пулаççĕ хастаррисем.
Кăçалхи акатуйра ял хуçалăхĕнче вăй хуракансене чысларĕç. Вĕсенчен пĕрне - район администрацийĕн АПК аталанăвĕпе экологи пайĕн начальникне Николай Родионович Краснова. Чылайранпа ырă тĕслĕх кăтартать вăл асăннă пайра, шанса панă ĕçе тỹрĕ кăмăлпа пурнăçлать. Ĕçне кура - хисепĕ. Аслă пĕлỹллĕ специалиста коллектива ертсе пыма шаннă. РФ ял хуçалăх министерствин Хисеп грамотине илме тивĕçлĕ пулнă Н.Краснов.
А.ИВАНОВА.
Сăн ỹкерчĕкре: Николай Родионович мăшăрĕпе Россельхозбанкра ĕçлекен Ирина Владимировнапа.