Публикации » Чи маттуррисен йышĕнче

06 июля 2018 г.

Ăçта кăна çитмеççĕ пулĕ Тăвай енĕн пултаруллă артисчĕсем. Чăнах та, мĕнрен кая вĕсем эстрада çăлтăрĕсенчен. Кемĕр тăрăхĕ таранах хапăл йышăнаççĕ маттур юрăçсене. Çак кунсенче кăна юрă-ташă ăстисем тăван Чăваш Енĕн тĕп уявне хавас кăмăл-туйăмпа хутшăнчĕç. "Мăнаçлан, Чăваш Ен!" республикăри конкурсра хăйсен ăсталăхне тепĕр хут çирĕплетрĕç вĕсем. Чи лайăх коллективсен йышĕнче пулчĕç тăвайсем, ятарлă Диплома тивĕçрĕç. Республикăн тĕп сцени çинчен вырăнти юрă-кĕвĕпе паллаштарчĕç, ырă йăла-йĕркесене тытса, аталантарса пынине кăтартрĕç.