Публикации » Профилактика ĕçне вăйлатас ыйтусем

29 июня 2018 г.

Пирĕн районта Раççейри чрезвычайлă лару-тăру министерствин Чăваш Республикинчи управленийĕн надзорпа профилактика ĕçĕсен пай начальникĕн заместителĕ, шалти службăн подполковникĕ А.В.Игнатьев пулнă. Вăл район администрацийĕн пуçлăхĕпе В.А.Ванеркепе тĕл пулса калаçнă. Тĕл пулура районти пушарсен хисепне чакарас (вăл халĕ пĕлтĕрхинчен икĕ хут пысăкрах), çуллахи тапхăрта пушар хăрушсăрлăхĕн требованийĕсене çирĕп пурнăçлас тата район территорийĕнче пушара хирĕçле режима пăхăнас, профилактика мероприятийĕсене вăйлатас ыйтусене сỹтсе явнă. Тĕл пулăва районти надзор тата профилактика ĕçĕсен пайĕн начальникĕн тивĕçĕсене вăхăтлăха пурнăçлакан А.Ю.Мешков та хутшăннă.