26 июня 2018 г.
Тăвай ялĕнчи тĕрлĕ япаласем сутакан урамри вырăна, пасара, иртнĕ çулах тасатса тирпейлеме пуçларĕç-ха. Унта суту-илỹ тума хушма вырăнсем турĕç, çумăр е юр ан чăрмантартăр тесе тăррине витрĕç. Йĕри-тавра тасатрĕç кăçал, хăйăр тăкса вĕтĕ чул та сарчĕç кăштах.
Анчах вĕтĕ чул сарса тухни чăрмав кăна кăларса тăратнă, иртен-çỹрене утма йывăр унта. Тĕрлĕ тавар сĕнекенсем халь асфальт сарнă тротуар хĕррисемпе тăрса тухнă. Туянакансемшĕн лайăх ĕнтĕ, утса пынă çĕртех тавар туянма май пур.
"Шала кĕрсе сутмалла сирĕн", _ тесе йĕрке тăвасшăн пулчĕç-ха. Анчах сутмалли лапамне малтан лайăх тасатса-йĕркелесе парсан питĕ аванччĕ.
Тăвай ялĕн çыннисем.