Публикации » Ветерансене савăнтарнă

04 мая 2018 г.

Çуркуннепе ĕç уявĕнче район центрĕнчи культура çуртĕн-че ĕçлекенсем (Н.Никифоровапа Н.Иванова, А.Абрамова, Е.Семенова, В.Степанов) аслă ăрури çынсене савăнтарчĕç.
Çăлпуç ялĕнче пурăнакан тыл ĕçченĕсемпе вăрçă ачисем патне çитрĕç юрăçсем. Валентин Семеновпа Анна Назарова патне килĕсене кĕрсех тĕрлĕ юрăсем шăрантарчĕç. Асăннă кун Çăлпуçĕнчи Николаев ячĕллĕ урамра та хаваслă кĕвĕ янăрарĕ. Анна Сергеева, Агафья Семенова тыл ĕçченĕсемпе Нина Волковапа Мария Алексеева вăрçă ачисем урама тухсах паллашрĕç вырăнти артистсен пултарулăхĕпе. Чăвашла юрăсене итленĕ май куççульленчĕç те кинемейсем, тĕрлĕ юрăсемпе кăмăлĕсене яла килсех çĕкленĕшĕн тав турĕç вырăнти артистсемпе купăсçа.