Публикации » Санăн çыннусем, тăвай ен

17 апреля 2018 г.

“Паян эпир халăх сывлăхĕн кăтартăвĕ- сене лайăх енне улăштартăмăр тесе çирĕп-летсех калама пултаратпăр”, - тенĕ Чăваш Ен Пуçлăхĕ Михаил Игнатьев Патшалăх Канашне янă Çырура.
Нумай пинлĕ врачсемпе медицина сестрисен ĕçне хак памалли тĕп виçесенчен пĕри пурнăç тăршшĕн ÿсĕмĕ шутланать. Пĕлтĕр вăл республикăра халиччен сăнаса-палăртса тăнă çулсенчи чи пысăк кăтартăва çитрĕ.
Пирĕн районти сывлăх сыхлавĕнчи ĕçченсен тÿпи те çук мар ĕнтĕ унта. Ывăнма пĕлмесĕр, кунĕн-çĕрĕн пулăшу пама хатĕр вĕсем. Тăвайри реанимаци уйрăмĕнче ĕçлекенсен харсăрлăхĕ те ăшă сăмаха тивĕçлĕ. Лидия Вавиловна Афанасьева медсестра ĕçне, ак, нумаях пулмасть пысăк наградăпа хакларĕç, çăмăл мар ĕçĕнче ăнăçу сунчĕç.
Сăн ÿкерчĕкре: Тăвайри больницăри Л.Афа-насьева медсестрана ЧР сывлăх сыхлавĕн министерствин Хисеп грамотипе чысланă самант.