Публикации » Пуянкассисем КВНра çĕнтернĕ

13 апреля 2018 г.

Районти культура çуртĕнче КВН вăййине ултă шкул тата ĕçлекен çамрăксен командисем хутшăнчĕç. “Волонтерсем тата КВН - пĕрле хаваслăрах!” - çак чĕнÿпе иртрĕ вăйă. 2018 çула Ырă ĕç тăвакансен ?волонтерсен/ çулталăкĕ тесе йышăннă. Малтанах райадминистраци пуçлăхĕн çумĕ В.Чайкин командăсене ăнăçу сунчĕ.
Пурнăç пăтăрмахĕсене тĕрлĕ шÿтсенче палăртрĕç участниксем. “Волонтер çырса пынинчен” килти ĕçе пурнăçланинчен те, “Волонтерсем - Раççей пуласлăхĕ” видеороликсен конкурсĕнчен те çамрăксен малашлăхри çирĕп тĕллевĕсем курăнчĕç.
Кашни командăн хăйĕн хавхалантару ушкăнĕсем пулчĕç. Зал кĕрлесе кăна тăчĕ. Акă пĕтĕмлетÿ саманчĕ: 1-мĕш вырăнта - Çĕнĕ Пуянкасси шкулĕнчи хаваслисемпе тавçăруллисен команди. Иккĕмĕшпе виççĕмĕшĕнче - Тăвай тата Элпуç шкулĕсен командисем.