Публикации » 30 çул ытла шкулта

20 марта 2018 г.

Галина Петровна Васильева Йăнтăрчă шкулне Чăваш патшалăх университечĕ пĕтернĕ хыççăн направленипе килнĕ. 30 çул ытла ачасене чăваш чĕлхипе литературине вĕрентет. Пултаруллă учителĕн вĕренекенĕсем те маттур, çулсерен районти тата республикăри олимпиадăсенче малти вырăнсене йышăнаççĕ, республика стипендиачĕсем пулса тăраççĕ. Хăй те професси ăсталăхне ÿстерессипе çыхăннă тĕрлĕ конкурссене хутшăнать. Республика шайĕнчи Гранта та тивĕç пулнăччĕ.
Галина Петровна районта тăван чĕлхене вĕрентекенсен методика пĕрлешĕвне ăнăçлă ертсе пырать. Ĕçри ÿсĕмсемшĕн ăна “Раççейри пĕтĕмĕшле вĕрентĕвĕн хисеплĕ ĕçченĕ” ят, тĕрлĕ Мухтав хучĕсем парса чысланă. Общество пурнăçне те хăйĕн тÿпине хывать ялти вĕрентекен. Патăрьел хĕрĕ Тенеялĕнче йăва çавăрнă. Ял-йышра хисеплĕ вĕсен çемйи.