Публикации » Концертпа савăнтарчĕç

13 марта 2018 г.

Хĕрарăмсен уявĕпе Çĕнĕ Пуянкассинчи культура çуртĕнче çамрăк ачасемпе çитĕннисем концерт лартса пачĕç. Ытларах ташăсем пулчĕç. Садик ачисем “Морячка” ташша ăста кăларчĕç. Вĕсем чылай çеç ташă ташласа куракансене питĕ савăнтарчĕç. Вĕсене ертсе-хавхалантарсах пыраканĕ - музыкăна вĕрентекен М.В.Данилова.
Çитĕннисем те темĕн тĕрлĕ ташă ташларĕç. Юрлакансен хушшинче темшĕн арçынсем çукпа пĕрех, Михаил Васильев кăна пулчĕ юрлакансенчен. Вăл шăрантарнине куракансем хапăл пулчĕç. Çавăн пекех Татьяна Константинова нумай хутчен юрăсемпе савăнтарчĕ. Юлашкинчен çав кун çуралнисене халалласа “Çуралнă кун” юрăпа вĕçлерĕ хăйĕн репертуарне. Çавăн пекех Настя Степанова çамрăк юрăç та халăх кăмăлне килмелле юрăсем шăрантарчĕ. Кайран пылак çимĕçсемпе тата тортпа сăйланчĕç. Концерта пынă çынсем кăмăллă юлчĕç.