27 февраля 2018 г.
Тăвай ен команди Чăваш Республикинчи ĕçлекен çамрăксен совечĕсен спорт фестивалĕнчен çĕнтерÿçĕсен кубокĕ-пе таврăннă.
Чăваш Енри 7 хулапа районтан 13 команда тупăшнă “Хĕллехи десант” фестивальте. Пирĕн район çамрăкĕсем тĕрлĕ енлĕ ăмăртусенче чи пултаруллисем пулнине кăтартса панă. Пĕтĕмĕшле кубока çĕнсе илнисĕр пуçне “Тĕл перекен”, “Хĕллехи вăйăсем”, “Чăрмавсене çĕнтересси” номинацисенче те ятарлă кубоксемпе дипломсене тивĕçнĕ. Акă вĕсем пирĕн хастарсем - Станислав Данилов, Евгений Берилло, Никита Егоров, Алена Николаева, Ирина Павлова, Евгения Гурьева, Елена Павлова, Юлия Чернова.