27 февраля 2018 г.
Çăварни ĕлĕк-авалтан пыракан йăла праçникĕ-сенчен пĕри шутланать. Ăна Аслă типĕ умĕн паллă тăваççĕ. Çăварнире хĕле хăвалаççĕ, куна вăрăмлатмашкăн, пурнăçа савăклатмашкăн хĕвеле вăй илме пулăшаççĕ. Çăварнин юлашки кунĕ - каçару вырсарни кунĕ те. Çак кун тĕне ĕненекенсем хăйсен çылăхĕсемшĕн Турăран тата пĕр-пĕринчен каçару ыйтаççĕ.
Сăхăтпуç ялĕнче те халăха Çăварни уявĕ пухрĕ. Вăл райпо лавкки умĕнчи лапамра иртрĕ. Тĕрлĕ вăйăсем, кулăшсем, конкурссем, юрă-ташă тата ытти те кăмăла килчĕ халăха. Уява пухăннисем пĕлĕмпе тата вĕри чейпе сăйланчĕç. Праçник вĕçленеспе Хĕлпе сывпуллашнине тата Çуркуннене кĕтсе илнине сăнласа катемпине çунтарчĕç.
Уяв тăршшĕпех кĕвĕ-çемĕ янăрарĕ, çынсем ташларĕç, вăйăсем выляса савăнчĕç, сăн ÿкерчĕксем турĕç.