16 января 2018 г.
Кайăксене мĕнле пулăшмалла; Шутласассăн, ку пирĕншĕн пит йывăр ĕçех те мар. Ал айĕнчи материалтан сырăш тумалла та паркра е пахчари йывăçсем, çавăн пекех балкон çине çакса хумалла. Тырă пĕрчисем, çăкăр тĕпренчĕкĕсем сапса, сало татăкĕ хурса парсан çунатлă туссем нумаях кĕттермĕç, часах иленĕç апат вырăнне. Сивĕ хĕл кунĕсенче вĕçен кайăксене пулăшни чăннипех те сăваплă ĕç. Тĕрĕссипе ачисем ашшĕ-амăшĕ ырă тунине курса ÿссе хăйсем те хутшăнаççĕ çак ĕçе. Кайăксем сырăшсене иленнине пăхса савăнаççĕ, юлташĕсене те явăçтараççĕ ?сăн ÿкерчĕкре/.
Тăвайри 1-мĕш номерлĕ ача садне çÿрекенсем воспитательницăпа пĕрле территорири йывăçсем çине сырăшсем çакрĕç. Халĕ кулленех апат хурса параççĕ. Чÿречерен вара пĕчĕк хăнасем чĕвĕл-чĕвĕл туса апатланнине сăнаççĕ, вĕсен йышĕ хушăнса пынине курса чунĕсем çĕкленеççĕ.
Атьăр-ха пурте хĕл каçма юлнă кайăксене пулăшар. Вĕсем çутçанталăка сыхлассипе тăрăшнине хамăр тимлĕхпе тавăрар.