Публикации » Районта малта пырать

26 декабря 2017 г.

Грачев хресчен фермер хуçалăхĕнче кăçалхи 11 уйăхра кашни ĕнерен 6543 килограмм сĕт суса илнĕ, кăтарту иртнĕ çулхипе танлаштарсан ÿснĕ. Районĕпе илсен те чи пысăкки шутланать. Çак хуçалăхри Марина Никитина оператор вара кашни ĕне пуçне 6603 килограмм сĕт суса илсе районта малта пырать. Пĕлтĕр те çĕнтерÿçĕсен йышĕнче пулнă вăл. Республикăри ял хуçалăхĕнчи чи хастар ĕçченсен тĕлпулăвне те хутшăнма тивĕç пулнăччĕ Марина Евдокимовна.
Нумаях пулмасть Кармалти хресчен фермер хуçалăхĕнчи ĕне сăвакан оператора Чăваш Республикин ял хуçалăх министерствин Хисеп грамотипе палăртнă.
Çемйи те ял çинче хисеплĕ. Мăшăрĕпе 3 ача пăхса ÿстереççĕ. Аслă хĕрĕ Мускавра ĕçлет. Тинтерех салтакран килнĕ ывăлĕ те унта ĕçлеме çÿрет. Кĕçĕн хĕрачи 2-мĕш класра вĕренет.