Публикации » Курав уçăлнă

28 ноября 2017 г.

Тăвайри краеведени халăх музейĕн залĕ-нче курав уçăлнă. Унта Йăнтăрчăри библиотека çумĕнчи “Искусница” клуба çÿрекенсем хăйсен ĕçĕсене тăратнă, пурĕ 64 ĕç.
Хĕреслесе тĕрленĕ тата пĕчĕк шăрçасемпе усă курса хатĕрленĕ ÿкерчĕксем, çекĕлпе çыхнă салфеткăсем, калпаксем, нускисем, пинеткăсем тата ытти япаласем пур вĕсем хушшинче.
Алина Владимирова çыхса хатĕрленĕ юмах сăнарĕсем куракансен кăмăлне каяççĕ. Вун çичĕ çулхи Андрей Воробьев ĕçĕсем ?икĕ шаль тутăр, ача кĕпи/ умĕнче те çынсем чылайччен тăраççĕ. Вĕсене çекĕлпе çыхнă.
Декабрь уйăхĕн варриччен ĕçлет курав. Куравпа тата музейри ытти экспонатсемпе паллашма пурне те йыхравлатпăр.