Публикации » Халăха йышăнĕç

17 ноября 2017 г.

Çитес тунтикун – чÿк уйăхĕн 20-мĕшĕнче – районта, пĕтĕм Раççейри пекех, Ачасен пĕтĕм тĕнчери кунне халалланă мероприяти иртет. «Ачасене право пулăшăвĕ кÿмелли кун» ятпа пулĕ вăл. Унпа килĕшÿллĕн, тăлăх тата ашшĕ-амăш хÿ-ттисĕр юлнă ачасене, вĕсен саккунлă представителĕсене, усрав ача илес текен çемьесене юридици пулăшăвĕпе тÿ-левсĕрех тивĕçтерĕç.
Тăвай район администрацийĕнче çак кун консультаци паракан 2 пункт ĕçлĕ: опекăпа попечительлĕх органĕпе Республикăри ваккатсен коллегийĕн районти уйрăмĕн ĕçченĕ Н.Ильин 13 сехетрен пуçласа 17 сехетчен йышăнĕç тата районти çул çитменнисен ĕçĕсене тимлекен тата вĕсен ирĕкĕсене хÿтĕ-лекен комисси специалисчĕсемпе те 8 сехетрен пуçласа 17 сехетчен канашлама май пулĕ. Ыйтса пĕлмелли телефон номерĕсем: 2-18-60, 2-19-39.