Публикации » “Тăван çĕрĕм - Чăваш Ен” конкурс çĕнтерÿçи

10 ноября 2017 г.

Чăваш Республикин вĕренÿ тата ял хуçалăх министерствисем нумаях пулмасть ирттернĕ “Тăван çĕрĕм - Чăваш Ен” конкурсне пĕтĕмлетнĕ. Унта шкулсенче вĕренекенсем 300 ытла ĕç (ÿкерчĕксем, сăвăсем, сочиненисем) тăратнă.
Сăвă çыракансем хушшинче пирĕн районти Элпуçĕнчи вăтам шкулăн 10-мĕш класĕнче вĕренекен Анастасия Моисеева мала тухса Диплома тивĕçнĕ. Çĕнтерÿçĕсене чÿк уйăхĕн 2-мĕшĕнче ял хуçалăх ĕçченĕсен республикăра иртнĕ уявĕнче - Шупашкарти оперăпа балет театрĕнче чысланă.
Настя - шкулти чи маттур вĕренекенсенчен пĕри. Обществăлла ĕçре те хастар вăл. Сцена çинче те тăтăшах курма пулать ăна. Хĕрача концертсене, тĕрлĕ-тĕрлĕ конкурссене хутшăнать, пултарулăхĕпе савăнтарать.