Публикации » Туризм ыйтăвĕсемпе

15 сентября 2017 г.

Сентябрĕн 15-мĕшĕнче Чăваш Республикин Пуçлăхĕ Михаил Игнатьев хутшăннипе иртекен çĕнĕ телепроект премьери эфира тухать. Унăн тĕп теми - республикăра пурăнакансен интересĕсене шута илсе обществăн тата патшалăхăн вăйĕсене пĕтĕçтересси.
“Приложение силы” программăн черетлĕ кăларăмне шалти туризма аталантарассин ыйтăвĕсене халалланă. Чăваш Республикине килсе çÿрекен туристсен юхăмне аталантарма мĕн тумалла; Регионăн илĕртÿлĕхне епле майпа ÿстерме пулать; Çак тата унпа çыхăннă ыйтусене ЧР Пуçлăхĕ Михаил Игнатьев экспертсемпе сÿтсе явать. Вĕсен йышĕнче Чăваш патшалăх ăслăлăх институчĕн, Чăваш Ен территори аталанăвĕн агентствин, республика Экономика министерствин, Культура министерствин, туризм отраслĕн представителĕсем.
“Приложение силы” программăна сентябрĕн 16-мĕшĕнче “РОССИЯ 24” телеканалăн регион эфирĕнче 19 сехетре пăхма пултаратăр.