Публикации » Вырмана вĕçлемелле, хутмалли сезона хатĕрленмелле

12 сентября 2017 г.

Ĕç эрни район администрацийĕн пĕчĕк залĕнче лару ирттернипе пуçланчĕ. Район администрацийĕн пуçлăхĕ Владимир Ванерке ертсе пычĕ ăна.
Полици уйрăмĕн начальникĕ В.Обаськинпа надзор тата профилактика ĕçĕсен пай начальникĕн тивĕçĕсене пурнăçлакан А.Димитриев районти оперативлă лару-тăрупа паллаштарчĕç.
Тăвайри больницăн тĕп врачĕ Н.Мефодьева халăх диспансеризаци тĕрĕслевĕ витĕр начар мар (77,1 процент, республикăра 72,3 пр.) тухни пирки пĕлтерчĕ.
Район центрĕнчи культура çурчĕн директорĕ А.Алексеева клубсене хутмалли сезона мĕнле хатĕрлени çинчен каласа кăтартрĕ. АПК аталанăвĕпе экономика пайĕн тĕп специалисчĕ А.Федорова вырмари лару-тăру çинчен пĕлтерчĕ. Владимир Алексеевич пĕрчĕ-ллĕ тата пăрçа йышши культурăсене çапса тĕшĕлессине çирĕп контрольте тытма сĕнчĕ.
Ытти пайсен ертÿçисемпе специалисчĕ-сем, Тăвай ял тăрăхĕн пуçлăхĕ çывăх вăхăтра ирттермелли ĕçсене палăртрĕç.