Публикации » Ручкăсен куравĕ

12 сентября 2017 г.

Паянхи куна куравра çыру ĕçĕн 24 тĕрлĕ хатĕрĕпе ?ручкăпа/ паллашма пулать. Хур тĕкĕнчен тунă пероран пуçласа паянхи кун усă куракан ручка таранах пур вĕсем хушшинче.
Пирĕн эрăчченхи 3-4 пин çула яхăн каялла бронзăран тата шăмăран тунă патаксемпе усă курнă йĕпе тăмлă хăма çине çырма. Çав çулсенче Египетра пурăнакансем ручка тума хăмăш тураттисене тата хур тĕкĕсене усă курнă, шыв курăкĕ-нчен тунă хут (папирус) тĕркемĕ çине çырнă вĕсем çапла. Хур тĕкĕнчен тунă ручкăпа Испани çĕршывĕнче пуçласа çырма пуçăннă, пирĕн эрăри 600-1800 çулсенче пулнă ку.
1803 çулта тимĕртен тунă хур тĕкĕшĕн патент илнĕ. Вун- тăххăрмĕш ĕмĕрте тимĕртен тунă ручкăсем хур тĕкрен çырмалли инструментсен йышĕ-нчен кăларса пынă. 1884 çул-та Льюис Эдсон Уотертен страхлакан агент авторучка шухăшласа кăларнă. Шариклă ручкăсемпе вунтăххăрмĕш ĕмĕр вĕçĕнче çырма пуçланă. 1943 çулта вара вĕсене туса хатĕрлессине йĕркеленĕ.
1960 çулта фломастер шухăшласа кăларнă.
Ручкăсемсĕр пуçне чернилпа çырмалли савăтсемпе инструментсем те пур куравра, ручкăсемпе çырса пăхма та пулать.
Авăн уйăхĕн юлашки кунĕч- ченех ĕçлет ку курав. Енчен те сирĕн интереслĕ ручкăсем пур пулсан, “Сирĕн пата çыратăп...” курава пама пултаратăр.