05 сентября 2017 г.
Енĕш Нăрваш ялĕнчи “Саймал” ансамбль хăйĕн çĕнĕ сезонне уçрĕ. “Чувашсетьгаз” обществăн Канашри районсем хушшинчи филиалăн Тăвайри участокĕнче ĕçлекенсем кăçалхи пĕрремĕш кураканĕсем пулчĕç.
Авăн уйăхĕн пĕрремĕшĕнче, 1980 çултан пуçласа, Верховнăй Совет указĕпе килĕшÿ-ллĕн, нефтьпе газ промышленноçĕнче вăй хуракансен кунне паллă тăваççĕ.
Иртнĕ эрнекун Тăвайри газ участокĕн çуртĕ-нче уяв пулнă. Пирĕн çуртсемпе хваттерсене ăшăпа хăтлăх илсе кĕрекенсене район администрацийĕн пуçлăхĕ В.Ванерке профессиллĕ уявпа саламланă, малта пыракансене тĕрлĕ наградăпа чысланă, çăмăл мар ĕçĕнче ăнăçусем суннă. Тăвайри газ участокĕнче тăрăшакансем патне ăшă сăмахсем çавăн пекех В.Семенов ертÿçĕ çитернĕ. Вăл хăйсен кăтартăвĕсен ĕçĕпе кĕскен паллаштарнă, малашлăхри тĕллевĕсене палăртнă.
“Саймал” ансамбль членĕсем - З.Васильева, Л.Максимова, Н.Петрова тата ыттисем сехет ытла савăнтарнă газ участокĕнче ĕçлекенсене. Куракансем артистсене, тăвăллăн алă çупса тав тунă.