Публикации » Агитбригада уй-хирте

01 сентября 2017 г.

Районти халăх творчествин коллективĕсем те вырмара уй-хире тухаççĕ. Ял ĕçченĕсене хăйсен пултарулăхĕпе савăнтарас тĕллевне пурнăçа кĕртеççĕ.
Ялсенче пурăнакансем уй-хирте е йĕтем çинче тăрăшаççĕ халь. Çăмăл мар ĕçре вĕсене Тăвайри культура çурчĕн ĕçченĕсем хавхалантарах тăраççĕ. Каннă чухне хаваслă кĕвĕ итлесен кăмăл çĕкленет.
Агитбригада Тушкил, Тăрмăш, Кĕрше, Чутей, Кармал ялĕсенчи хуçалăхсене çитсе юрă-ташăпа савăнтарнă çынсене. Артистсене пур çĕрте те аван кĕтсе илнĕ. Чăвашла тата вырăсла юрăсене пĕрле шăрантарнă вырмана хутшăнакансем. Культура ĕçченĕсене алă çупса хавхалантарнă вĕсем, килсех çÿреме ыйтнă. Юрăçсемпе ташăçăсем те парăмра юлман, тыр-пула тăкаксăр пухса кĕртме çирĕп сывлăх суннă.