Публикации » Субботнике – кар тăрса!

22 августа 2017 г.

Раççейре тăван тавралăха хăтлăхпа илем кĕртес теççĕ. Авăн уйăхĕн 2-мĕшĕнче çĕршывĕпех «Симĕс Раççей» ятпа экологи субботникĕ иртет. Тăвай районĕнче те çак мероприятие тивĕçлĕ шайра ирттерсе яма хатĕрленеççĕ.
Район администрацийĕн хушăвĕпе 8 çынран тăракан йĕркелÿ комитечĕ туса хунă. Унăн председателĕ – администраци пуçлăхĕн çумĕ – йĕркелÿпе контроль ĕçĕн тата информаци пайĕн ертÿçи Валерий Чайкин.
Халĕ йĕркелÿ комитечĕ районти предприятисене, обществăлла организацисене, вĕрентÿ учрежденийĕсене субботник пирки хыпар çитерет.
Экологи мероприятийĕнче тавра-лăха çÿп-çапран тасатĕç, хунавсене тирпейлĕç, йывăçсене шăварĕç, картасене сăрласа илемлетĕç. Субботник оргкомитечĕ районта пурă-накан мĕнпур çынна çак ĕçе хастар хутшăнма йыхравлать.