Публикации » Тăрмăшсем хальхинче те чемпион

22 августа 2017 г.

Кăçал районти футбол чемпионатне 4 команда хутшăнчĕ: тăрмăшсем, енĕшнăрвашсем, пуянкассисем тата тăвайсем. Командăсем 4 çаврăмпа, 12-шер вăйăра ăмăртаççĕ. Район чемпионачĕ вĕçлениччен 2 тур маларахах чемпион пуласси палăрчĕ, ку вăл - Тăрмăш ялĕн команди. Вăл Енĕш Нăрваш ялĕн командипе вăййа никам çĕнтерейменнипе вĕçлерĕ пулсан, ыттисене пурне те пысăк уйрăмлăхпа - виçĕ е темиçе мечĕк ытларах кĕртнипе парăнтарчĕ. Тăрмăш команди Чăваш Ен чемпионатĕнче те пĕрремĕш лигăра ăнăçлă вылять. Пĕлтĕр Чăваш Республикин кубокĕшĕн кĕрешсе те çурма финала çитнĕччĕ, çакăн пек шая футбол ăмăртăвĕсенче пĕр ялти команда та çĕкленеймен. Тăрмăшсем вара пултараççĕ. Çĕнтерĕ-ве камсем туптаççĕ; - вĕсем пирки уйрăм статьяра пырĕ сăмах.