Публикации » Владимирски иконăн Турă Амăшĕн праçникĕнче

14 июля 2017 г.

Тăрмăшри чиркÿре иртнĕ кĕçнерникун Владимирски иконăн Турă Амăшĕн праçникне ирхи кĕлĕпе пуçланă. Кĕлĕ ирттерме Леонид атте кÿршĕри Мучар чиркĕвĕнчи Роман аттепе Каçал тăрăхĕнчи Владимир аттене чĕннĕ. Вĕсем виççĕн кĕлĕ ирттернĕ.
Кĕлĕ хыççăн çынсем чиркÿ ĕçченĕсемпе ял йĕри-тавра хĕреспе турăшсем тытса, çумăра пăхмасăрах кайса çаврăнса килнĕ. Утнă çĕре шкулта вĕренекен ачасем, халĕ каникулта пулсан та, вырсарни шкулне çÿрекенсем ?ертсе пыраканĕ З.Н.Григорьева/ хутшăннă. Пурĕ 20 çын ытларах пулнă. Чиркĕве çаврăнса çитсен утма хутшăннисем Питрав типпи апачĕ-пе сăйланнă. Тепĕр уйăхран çакăн пек тепре утма калаçса татăлнă. 1 сехет те 30 минута пынă. Пурте кăмăллă юлнă.