Публикации » Свидетельствăсем панă

20 июня 2017 г.

Тунтикун район администрацийĕн пĕчĕк залĕнче ачасен хаваслă сассисем илтĕнчĕç.
“Пурăнмалли çурт-йĕр 2015-2020 çулсен тапхăрĕнче” тĕллевлĕ программăн “Çамрăк çемьесене пурăнмалли вырăнпа тивĕçтересси” çумпрограммăна пурнăçласа район администрацийĕн пуçлăхĕ Владимир Ванерке 3 тата ытларах ачаллă тăватă çемьене пурĕ 3024,0 пин тенкĕлĕх свидетельствăсем пачĕ.
Телейлĕ çемьесем çывăх вăхăтра хăйсене кăмăла каякан хваттер е çурт туянма е çĕнĕ пÿрт лартма тытăнма пултараççĕ.
Енĕш Нăрваш ял тăрăхĕнчи Вырăс салинче пурăнакан Христина Витальевна Егорова, Александр Николаевичпа Алена Николаевна Степановсем (Элпуç), Сергей Васильевичпа Лариса Анатольевна Цырульниковсем ( Чутей), Марат Эрмекбаевичпа Раиса Валерьевна Топчупаевсем (Сăхăтпуç, сăн ÿкекрчĕ-кре) хăйсен ачисен пуласлăхĕшĕн тăрăшнăшăн республика правительствипе район администрацине тав тăваççĕ.