23 мая 2017 г.
Тăвай - Вăрманхĕрри еннелле каякан асфальтлă çулăн сылтăм енче пĕр сеялкăллă агрегат çаврăм хыççăн çаврăм тăватчĕ эрнекун. Михайлов хресчен фермер хуçалăх ĕçченĕсем кăвак тỹпери хĕвел ăшшипе тухăçлă усă курса юлассишĕн тимлеççĕ. “Вăрлăх пĕтрĕ, хатĕ-рлен!” - кăшкăрчĕ акакан агрегат çинчи арçын, автомашина çывăхне пырса тăчĕ те, тулли михĕсене сеялка çине самантрах пушатса пĕтерчĕç иккĕн, Александр Кирилловпа Эдуард Никитин механизаторсем çакăн хыççăн витресемпе удобрени ячĕç сеялка çине. Çапла каллех ĕçе пуçăнчĕ тулли агрегат. “Пĕр-икĕ кун акатпăр кунта урпа, 100 гектар çинче вырнаçтарăпăр ăна. Тепĕр хаçат кун çути курнă çĕре вĕçлетпĕр, урăх ĕçе куçатпăр”, - терĕç çĕр ĕçченĕсем сывпуллашнă май.