23 мая 2017 г.
Федерацин туризм енĕпе ĕçлекен агентстви регионсен - ял туризмне аталантарассин лидерĕсен - топ-10 йышне палăртнă. Списока Белгород, Ленинград, Калуга, Калининград, Мускав, Тамбов облаçĕсем, Карели, Коми, Чăваш Ен тата Алтай крайĕ кĕнĕ. Пирĕн республика хăйĕн çут çанталăкĕпе илĕртỹллĕ, туризмпа кану, сывлăха çирĕплетмелли майсемпе пуян. Паян Чăваш Енре ялсенчи 15 яхăн хăна çурчĕ, экологи туризмĕн 10 ытла объекчĕ шутланаççĕ. Туристсем уйрăмах кăмăллакан объектсен шутĕнче - “Чăваш вăрманĕ” наци паркĕ, “Сăрçи” çут çанталăк заповедникĕ, А.Г.Николаев космонавтăн мемориал комплексĕ, Çĕрпỹри хĕрарăмсен Тихвин мăнастирĕ тата ыттисем. Хальхи вăхăтра Шупашкар районĕнче “Ясна” этноэкологи комплексне тăваççĕ, проект “Этнос Чăваш Енĕ” туризмпа рекреаци кластерĕн тытăмĕнче пулнă май федерацин туризма аталантармалли тĕллевлĕ программине кĕнĕ. Чăваш Енре ял тата экологи туризмĕ Шупашкар, Йĕпреç, Сĕнтĕ- рвăрри, Етĕрне, Тăвай, Муркаш районĕсенче аталанма пуçланă.