Публикации » Вăхăтра тÿлеменшĕн

25 апреля 2017 г.

Тăвай районĕн пĕрремĕш суд участокĕн миравай судйи ĕç укçине вăхăтра тÿлеменшĕн “Красная Чувашия” ЯХПК председателĕ пулнăскер тĕлĕшпе приговор палăртнă.
Суд çирĕплетнĕ тăрăх - председатель хуçалăхăн 12 ĕçченне шалăва вăхăтра тÿлемен - 85 пин ытла тенкĕлĕх парăма кĕнĕ. Укçине кооперативăн коммерципе çыхăннă тата ытти тĕллевĕ валли янă.
Уголовлă ĕçе тĕпченĕ вăхăтра çынсен умĕнчи парăма туллин татнă. Апла пулин те суд ертÿçĕ айăплине çирĕплетнĕ, вăл ÿкĕннине, парăма татнине кура ăна 30 пин тенкĕлĕх штрафланă.