Публикации » Сас-хура хыççăн кайса…

25 апреля 2017 г.

Районта пурăнакан 32 çулти О.Ш. суд тенкелĕ çине ларнă. Ăна çын сывлăхне сиенленĕшĕн явап тыттарнă.
Суд çирĕплетнĕ тăрăх, хĕллехи пĕр каçхине ÿсĕр Ш. 51 çулти хĕрарăмпа хирĕçсе кайнă. Çакскер ун пирки укçасăрах эрех ĕçме юратать текен сас-хура сарать имĕш. Хĕрарăм парăнман, О. нумаях пулмасть ун патĕнче хăналаннине, пушă алăпа килнине пăхмасăр эрех ĕçнине аса илтернĕ. Арçын пушшех тарăхса кайнă, хĕрарăма тĕртсе янă. Лешĕ вара асфальт çине ÿксе аллине амантнă, поликлиникăра виçĕ эрне сипленнĕ.
Рецидива кура (Ш. маларах та судпа икĕ хут айăпланнă), преступление ÿсĕрпе тунине шута илсе суд арçынна ирĕклĕхсĕр хăвармалли приговор палăртнă - çулталăк колонире ирттерме тивĕ.