Публикации » Лайăх пĕлетĕр-и?

14 апреля 2017 г.

Чăваш Республикин Президенчĕн указĕпе Чăваш Ен патшалăх символĕсен кунне йĕркеленĕ. Кăçал ăна ака уйăхĕн 29-мĕшĕнче 25-мĕш хут паллă тăватпăр.
Паллă кун юбилейне хатĕрленсе Наци библиотеки “Чăваш Республикин патшалăх символĕсем” библиотека диктанчĕ акци ирттерет. Унăн тĕллевĕ - патшалăх символĕсене йĕркеленĕ тапхăра, унăн аталанăвĕн кун-çулне уçса парасси.
Ака уйăхĕн 27-мĕшĕнче 11 сехетре республикăра библиотека диктанчĕ пуçланĕ, унта кирек кам та хутшăнма пултарать. Диктанта хатĕрленсе Наци библиотеки хăйĕн сайтĕнче тата “ВКонтакте” социаллă сетьре патшалăх символĕсемпе ĕçленĕ паллă çынсен кун-çулĕпе паллаштаракан тата ытти материалсем вырнаçтарĕ. Вĕсене тишкерни диктант çырма шухăш тытнă çынсене ыйтусене хуравлама пулăшĕ.