14 апреля 2017 г.
Тăвай ялĕнче çăмăл атлетсен йăлана кĕнĕ çурхи кросĕ иртрĕ. Турра шĕкĕр, çанталăкĕ те çав кун уяр тăчĕ. Кашниех финишалла маларах çитме ăнтăлчĕ. Темиçе çеккунт выляса янишĕн те питех пăшăрханмарĕç. Кросра вĕт хăвăн вăй-хална тĕрĕслетĕн, тĕрĕс-тĕкел чупса тухни те çĕнтернипе танах. 300, 500, 1000, 2000, 3000 метрлă дистанцисене 200 ытла çамрăк спортсмен хутшăнчĕ.
Районти пур шкул коллективĕ те кросра массăлăх кăтартнине палăртмалла. Чи маттурри Тăвайри вăтам шкул команди пулчĕ. Иккĕмĕшпе виççĕмĕш вырăнсене Тушкилпе Мучар шкулĕсем тухрĕç.
Чи вăйлисене грамотăсемпе, медальсемпе чысларĕç, çавăн пекех вĕсем республикăри кроса хутшăнĕç.