Публикации » “Вилĕмпе ăçта сутă тăваççĕ, пĕлтер”

04 апреля 2017 г.

Çакнашкал акци Чăваш Енре мартăн 13-24-мĕшĕсенче иртнĕ. Закона пăсса наркотикла япаласем сутакансене хирĕç тăракансен йышне ÿстерес тĕллевпе йĕркеленĕ ку мероприятие.
Асăннă кунсенче шанăç телефонĕпе 29 шăнкăрав пулнă. Шăнкăравлакансем ытларах медицина пулăшăвĕ илессипе кăсăкланнă. Наркотикла тата психотроплă япаласемпе усă куракансене реабилитацилес ыйту та пулнă.
Акцин пĕрремĕш тапхăрĕнче наркотикла япаласене хирĕçлекен 100 листовка сарнă.
Республикăри наркологи диспансерĕнче уçă алăксен кунне йĕркеленĕ. Сотрудниксем 15 лекци вуланă. Сывă пурнăç йĕркине пропагандăлакан кинолекторисемпе семинарсем ирттернĕ. Вĕсене 526 çын хутшăннă.
“Манăн пурнăçра психоактивлă япаласем валли вырăн çук” тренаж ирттернĕ ЧР наци библиотекинче.