Публикации » Çăлпуçсем пĕрле савăнчĕç

24 марта 2017 г.

Çанталăк улшăнсах тăрать. Çумăр та, юр та ÿккелет. Хĕвел те тухать тепĕр чухне тĕксĕм пĕлĕтсем айĕнчен. Ялта пурăнакансен кăмăлне пĕрех пусăрăнтараймаççĕ ку улшăнусем уяв вăхăтĕнче.
Çăлпуçĕнчи хĕрарăмсен канашĕн председателĕ Е.Михайлова, ял тăрăхĕн депутачĕ Т.Федорова сăмах тухса каларĕç, саламларĕç пухăннисене. В.Васильева, И.Федорова, Л.Шадрина вĕренекенсемпе А.Михайлов культура ĕçченĕ тĕрлĕ юрă-ташăпа савăнтарчĕç çынсене. А.Павлов юрланă чухне куççульленекенсем те пулчĕç.
Хĕрарăмсем хатĕрленĕ апатсен конкурсĕ те иртрĕ. Н.Илларионова хатĕрленĕ салат чи тутли пулнине пĕлтерчĕç. Е.Михайлова хăярпа помидор аван маринадланă.
Çавра сĕтел хушшинче чей ĕçрĕмĕр юлашкинчен, пĕрле чылайччен калаçса савăнтăмăр
И.ПЕТРОВА.