Публикации » Çирĕп çемье йĕркелеччĕр

07 марта 2017 г.

Раштав тата Çăварни уявĕсен кунĕсенче çĕнĕ çемье çавăрсан, мăшăрсем нумай çул хушши юратса пурăнаççĕ иккен.
Çĕнĕ Ишпуçĕнчи Александр Баталовпа Сăхăтпуçĕнчи Татьяна Акимова çавăнпа хăйсен туй кунне çăварнире ирттернĕ. Район администрацийĕн ЗАГС уйрăмĕнче йĕркеленĕ ăна. “Туй сире паян çирĕп тĕвве пĕрлештерчĕ. Эсир чи çывăх çынсем пулса тăтăр. Сирĕн кил хĕвел çутипе тата ăшшипе пуянлансах пытăр. Юратупа телей ан татăлтăр сирĕнтен, килĕрте хаваслă ача сасси илтĕнсе тăтăр. Пĕр-пĕрне хисеплĕр, сывлăхлă тата телейлĕ пулăр”, - тесе саламларĕç пухăннисене ЗАГСра. Хĕллехи туйсен тапхăрĕ вĕçленчĕ çапла. Аслă типĕ вăхăтĕнче (февралĕн 27-мĕшĕнчен пуçласа апрелĕн 16-мĕшĕччен) туйсем тума заявлени паман.
Баталовсене çирĕп çемье йĕркелеме сунатпăр.
В.МЕФОДЬЕВА.