03 февраля 2017 г.
Чăвашпотребсоюз республикăри, районсенчи массăллă информаци хатĕрĕсемпе нумай çул ĕнтĕ çирĕп çыхăну тытса ĕçлет. Нумай пулмасть унăн канашĕ конкурс кăтартăвĕсене пĕтĕмлетнĕ.
"Потребительсен кооперацийĕ-2016" конкурсăн тĕрлĕ номинацийĕнче Тăвай районĕнчи "Ял ĕçченĕ" хаçат та çĕнтернĕ. Çавăн пекех район хаçачĕсенче ĕçлекенсем хушшинче те çĕнтерỹçĕсене палăртнă. Конкурсра мала тухнисене дипломсемпе парнесем параççĕ.
Чăвашпотребсоюз канашĕ "Потребительсен кооперацийĕ-2017" конкурс ирттересси çинчен йышăну кăларнă. Унта кăçалхи кăрлач уйăхĕн 1-мĕшĕнчен пуçласа раштав уйăхĕн 30-мĕшĕччен пичетленнĕ ĕçсене йышăнаççĕ.