03 февраля 2017 г.
Çак ятпа кĕнеке выставки йĕркеленĕ тата литература сехечĕ иртнĕ Ишпуçĕнчи библиотекăра. Çыравçăн кун-çулĕпе тата унăн литература пуянлăхĕпе паллашрĕç вулакансем.
Георгий Краснов Етĕрне районĕнче çуралнă. Ăна чăваш халăх çыравçин ятне панă. Вăл Çеçпĕл Мишши ячĕпе хисепленекен преми лауреачĕ, Чăваш патшалăх университечĕн профессорĕ, филологи наукисен кандидачĕ, 30 ытла кĕнекесен авторĕ.
Унăн кĕнеке тĕнчи кăсăклă, вулакансем килĕштереççĕ хайлавсене. Маларах çырнă "Ĕмĕр тикĕс килмест", "Çамрăклăх пĕрре килет", "Кĕвĕçекене кĕве çиет", "Çитетпĕр хĕрĕхе, иртетпĕр хĕрĕхрен" тата ытти кĕнекесен тĕп сăнарĕсем нумайăшне хумхантарнă. Халĕ вара унăн юлашкинчен çырнă "Çĕрле лартнă улмуççи", "Кавар" кĕнекисене вулатпăр.
З.ФИЛИМОНОВА. Çĕнĕ Ишпуç ялĕ.