17 января 2017 г.
Телее, 2016 çулта пушарсен хисепĕ те, çавна май пулакан тăкаксем те сахалрах пулчĕç. Çулталăк тăршшĕнче 10 пушар тухнă (умĕнхи çулта - 13). Çакă пушар хуралĕнче ĕçлекенсен тата кил-çуртсенче пурăнакансен тимлĕхĕнчен те сахал мар килнĕ. Ăнлантару ĕçĕ те хăйĕн витĕмне кỹнĕ тесе шутлатпăр.
Пĕлтĕр пурăнмалли 3 çуртра, 2 мунчара тата 5 хуралтăра пушар тухнă. Электроприборсемпе усă курмалли тата кăмака хутмалли правилăсене пăхăнманнипе инкек-синкек ытларах пулнă. Вут тĕртнине тупса палăртнă тĕслĕхсем те пур.
Кăçал та сыхлăха ỹстерсех пырар. Инкек-синкексĕр пурнăç кирек камшăн та лайăх.
В.МИХАЙЛОВ,
надзорпа профилактика ĕçĕсен пай начальникĕ