17 января 2017 г.
Каникул вăхăтĕнче Тĕрлемесри вăтам шкулта "Кĕрешỹ" наци кĕрешĕвĕ енĕпе ăмăртусем иртнĕ.
Самбистсен командинчи Егор Ивановпа Дмитрий Соколов хăйсен виçе категорийĕнче çĕнтерсе ылтăн медальсем çĕнсе илнĕ. Тăвайсен команди вара пьедесталăн виççĕмĕш пусми çине хăпарнă.
Ачасемпе пĕрле Енĕш Нăрвашри вăтам шкулти физкультура учителĕ Владимир Владимировпа "Аль" физкультурăпа спорт комплексĕн тренер-преподавателĕ Морис Андреев пулнă. Сăмах май каласан, Морис Михайлович спортăн çак тĕсне чунтан парăннă. Çамрăксене ытларах явăçтарас тесе вăй-халне шеллемест. Ахальтен мар ФСКри самбо секцине чылайăн çỹреççĕ. Вăл - I категориллĕ судья.
В.КУЗНЕЦОВ.